السلام عليكم ورحمة الله وبركاته
قبل اى حاجة ياجماعة لازم نعرف اسباب عزوف الناس عن المنتدى او بمعنى ادق قلة المشاركة
اولا لو ننظر الى الاعضاء والزوار المتواجدين هنلاقى ماشاء الله كتير جدا عدد الزوار والاعضاء
بس للاسف حال المنتديات عموما هى قلة المشاركة والجميع يتجه الى الفيس او قنوات التلى جرام
وطبعا كلها بعرض ادارة حساب او حتى توصيات مدفوعة
وطبعا اى شخصر يعرض توصيات مدفوعة او ادارة حساب يبقى انسان لا يصلح لدخول هذا المجال
المهم
ازاى نخلى الناس تشارك
من رايى موضوع حملة ترويجية مدفوعة او اشهار او الكلام ده كله فاضى ليس له قيمة
والسبب انه الاعضاء بالفعل موجودين فاحنا مش عايزين حد يدخل احنا عايزين الموجود يشارك
لان بكل موضوعية كل المهتم بمجال الفوركس يعرف اف اكس اربيا
فالحل هو خلق روح المنافسة بين الاعضاء للمشاركة وفى حاجات كتير وبسيطة
نذكر بعضها
1- هناك ورش تحليلة خاصة بكل زوج تداول وللاسف لا يشارك فيها الا المشرفين الحل
نعمل منافسة على افضل تحليل لاى زوج معين ويكافا عليه العضو باى شكل من الاشكال
باشتراك اسبوع فى التوصيات المنتدى او يتجمع للعضو عدد معين من المشاركات المتميزة وياخذ عليه بونص
2- عمل مسابقة للحسابات التجريبية اسبوعية بحساب صغير الف دولار والفائز اسبوعيا يحصل على اى مكافاة ممكن 20 دولار اسبوعيا للفائز حاجة رمزية
وبشرط ان اللى يشارك فى المسابقة يفتح موضوع للمسابقة ويشرح كل صفقة يدخلها
اعتقد ان هذا افضل اقتراح وهنلاقى الجميع بيشارك اسبوعيا بفتح موضوع يشرح فيه صفقاته ومنافسه على الحساب
وممكن نخليها المركز الاول 20 دولار والمركز الثانى 10 دولار مش هيكلف المنتدى حاجة
3- افضل ورشة لتحقيق عدد معين من النقاط شهريا مدعوم بحساب تجريبى للمشاهدة وافضل ورشة فى تحقيق عدد النقاط
يحصل على بونص شهريا يضاف لحسابه الحقسقى ممكن نخليها 50 دولار شهريا
4- افضل عضو نشط فى جميع الورش وليس شرط ورشته يحصل شهريا على بونص صغير وليكن 20 دولار او حتى اشتراك فى اسبوع مجانى فى التوصيات
5- اختيار افضل 4 او 5 من الخبراء فى المنتدى ويفتح موضوع خاص بهم لاختيار زوج واحد اسبوعيا يقومون بالاتفاق عليه
ويطون عليه فرصة كويسة للدخول ويشرحوها بس يتفقوا جميعا عليها وتبقى مساعدة منهم للاعضاء الجداد على الدخول
وطبعا ممكن نميزهم بالقاب معينه او اى تقدير
6- عمل مسابقة اسبوعية لافضل سؤال يساله عضو وافضل اجابة لعضو بمعنى ان كل عضو يسال سوال خاص بالفوركس دون اجابة
واحسن اجابة من اى عضو يكافا احسن سوال ولو ب 5 دولار وافضل اجابة بنفس المكافاة
والمكافات كلها مش لازم تكون مكافاة نقدية ممكن تكون بونص يضاف لحساب العضو
فى رايى الشخصى ده افضل تنشيط للمنتدى بدل الترويج لحملات اعلانية على لفاضى
لان الناس والاعضاء موجودين بس احنا عايزينهم يشاركوا