السلام عليكم اخي ..
هو للصراحة كلام الاخ قمة في الصواب وانت مستكتر ال6 شهور صحيح كمان معك حق اخي
انا برأيي انو رح تعدي عليك 6 شهور كده كده ويمكن اكتر لبينما تتمرس وتصير تفهم الموضوع وتحس بالسوق
بقا انت حر ,, بتحب تعدي عليك الشهور وانت رافض فكرة انك تستمر ديمو مضيعة للوقت
او تعدي عليك الشهور وانت بالفعل حاطط ببالك التمرس على الديمو
بس النتيجة رح تبقى وحدة ... لسا بينقصك اشياء ما بتكتمل معك لا بكورس ولا بكورسين ولا بالف كتاب
نصيحة مني لا تدخل باموالك لانو ممكن تربح وتخسر بشكل غير منتظم وهاد بالتأكيد مو بصالحك لانو رح تضل قاعد فترات طويلة على اعصابك والشي هاد رح يخليك تكره السوق وتكره كل شي كمان
حاول توصل لمرحلة انك تشوف الفرصة او يكون عندك فكرة بنسبة 75% لوين ممكن يروح السعر بدون ادواتك يلي بتستعملهن بالعادة (بشكل عام مافي حدا بيعرف وين رح يروح السعر بس مقصدي انو يكون عندك القدرة بالتحليل المبدأي بدون أدواتك)... هون بتبتدي تحس حالك بجد في احساس بالسوق وفي تمرّس حقيقي
وبالنهاية كل واحد بشوف الحكاية من طرفو
أهم الشي أنك تحافظ على الاستمرار وغير التحليل لازم تفهم السوق والنقطة والمارجن فهم نظامي يعني هيكلة الشغل كله وسياسة شغل شركتك اللي انت فيها وسياستك انت بمشوارك بالتجارة هي يعني خطتك
وأهم ما في القصة أنك تاخد وقتك بالسوق يعني تاخد مهارتك بدون ضغط ومن أهم عوامل الضغط انك تكون داخل بفلوسك
وأنت حر بتصرفاتك 
موفق حبيبي