المشاركة الأصلية كتبت بواسطة dr.adel موضوع ممتاز وزى ما قال احد الاعضاء يمكن نقطه الدخول هى الى بتحدد مستوى المضارب انا عن نفسى بدخل معتمد على الدعوم والمقاومات ويمكن دى اروع نقطه فيها انك مش بتستنى كتير علشان تشوف تحليلك صح ولا غلط..... من المعروف ان الشموع بتعطى الاشارات الانعكاسيه بتاعتها بدرى قبل اى مؤشر علشان كدا لازم تاكيد الاشاره دى من مؤشرات اخرى زى ستوكاستك او ماكدى ولاكن (الفاينل ترجر )او الضغطه الاخيره لدخول الصفقه بتكون عن طريق الدعم والمقاومه من الشموع الموفنج افردج هنا يعتبر برده من ضمن المقاومات او الدعوم ويمكن على الدولار كندى و البوند دولار كان الموفنج افردج 20 عامل مقاومه كبيره لان السعر يطلع لمده كام يوم الفوليم من ضمن الاشارات الى بتبين قوه اشارت الدخول يعنى لو جت اشاره لدخول الصفقه ممكن تبان انها شمعه كبيره ....ولاكن فالواقع عدد العقود الى اتعمل على الشمعه دى قليل وبعد مندخل تطلع اشاره ضعيفه ونلاقى السعر قلب علشان كدا لازم نبص على حجم العقود الى اتعمل على النموزج دا (بيرش انجلفنج مثلا) علشان نعرف مدى قوه التجار فدخول البوزشن دا (او بمعنى تانى السيكولوجى) .... .....ولتاكيد صحه الصفقه بيكون عن طريق ان الشموع صاعده اعلى الدعم او هابطه اسفل المقاومه .....وتاكيد فشل الصفقه هو وجود شمعه اغلقت اسفل دعم او اغلقت اعلى مقاومه ويمكن كلمه اغلقت دى مهمه اوى للناس الى قلوبها خفيفه لان فى حاجه اسمها (كراك اند سناب ) ودا عباره عن ان السعر بيعمل اختراق للدعم او للمقاومه ولاكن فى نهايه مده الشمعه الاختراق دا بيتحول لديل والشمعه بيكون اغلقها اسفل المقاومه او اعلى الدعم مشكور على الموضوع كتير يا ا/احمد والله يادكتور عادل انا الـ مشكور على المشاركة الاكثر من رائعة ... استنادك على اشياء قوية فعلا دعوم ومقاومات - فوليم مع نماذج للشموع القوية .. شكرا للتوضيح وانا شخصيا استفدت جزاك الله الف خير
