[ahmed osama 2]

بسم الله الرحمن الرحيم

النهاردة هشرح استراتيجيتى كاملة وهيا الحمد لله فعالة معايا جدا بقالها فترة كبيرة .

اولا الاستراتيجية بتنقسم لجانبين :

1 - جانب فنى

2- جانب ادارة راس المال .

الاتنين اهم من بعض لان الجانبين بيكملوا بعض لو واحد فيهم وقع هيوقع التانى بسهولة جداا

طيب نقسمهم واحدة واحدة :

1- الجانب الفنى ( التحليل ) :


ببتدى احلل العملات بطريقة مبسطة جدا اعتمادا على شوية حاجات فيه منهم حاجات انا شرحتها قبل كده هنزل شرحها تانى هنا وحاجات اول مرة هشرحها .

انا بمسك الشارت ادور فيه على الحاجات دى واطلعها :

1 - منطقة دعم او مقاومة قوى ( دعم ومقاومة من نوع خاص هشرحهم بالتفصيل )
2- منطقة عرض او طلب ( شرحتها قبل كده وهنزل شرحهم تانى )
وبعد ما احدد الجزء رقم 1 و 2 ببتدى ارسم عليهم مستطيل عشان احددهم وبعدين استنى تالت جزء يحصل وهو
3- برايس اكشن

نبتدى بقى نفسر ال 3 حاجات اللى فاتوا دول حاجة حاجة :
1 - منطقة دعم او مقاومة قوى ( دعم ومقاومة من نوع خاص هشرحهم بالتفصيل ) :

انا ببتدى ادور على منطقة دعم على الديلى اتكسرت واتحولت لمنطقة مقاومة ولما السعر بيوصلها ببيع تانى من عندها واتثبتلى مع الوقت والتجربة انها بتبقى منطقة قوية جدا .

نشوف مثال :


زى ما فى المثال كان عندنا منطقة دعم بترد السعر لفوق واول ما تم كسرها بعد اعاددة اختبارها انهار الزوج الى الهبوط


تانى حاجة بدور عليها هيا منطقة مقاومة اتكسرت واتحولت الى دعم قوى وبستنى السعر ينزل عند الدعم ده تانى واشترى الزوج
نشوف مثال :

هنا فى المثال ده الموضوع اتعكس ,, كان عندنا منطقة مقااومة قوية
اتكسرت والسعر عداها اول ما نزل عندها تانى
صعد بقوة من عندها بالظبط .

يبقى كده فهمنا ان اول حاجة بنعملها بنحدد مناطق الدعوم والمقاومات
اللى انا قولت عليها دى
ونعمل عليها مستطيل على الشارت
بحيث ان احنا نحددها .


ندخل على الخطوة التانية :

2- منطقة عرض او طلب :
وهنزل دلوقتى طريقتها وازاى نستخرجها وكل حاجة عنها


مناطق العرض والطلب :هى المناطق التى يكون عندها اوامر البيع او الشراء
لصناع السوق والتى منها يشهد السوق تحركات قوية فى اتجاه محدد
نظرا لوجود صانع سوق دخل بعدد عقود كبير فى اتجاه معين .

مثال : لو فيه سلعة معينة فجاة الناس كلها بقت محتاجاها وبقت كل الناس بتشتريها اكيد ساعتها سعر السلعة دى هيزيد جدا لان عليها طلب جامد .
مثال تانى : لو فيه سلعة معينة ( سيارة مثلا ) ظهر فيها عيوب والناس مبقتش تشتريها خالص اكيد ساعتها سعرها هينزل جامد لانه معروضة كتير فى السوق ومفيش مشتريين ليها فاكيد ساعتها سعرها هينزل عشان الناس يشتروها .

يعنى باستخدامك مناطق العرض والطلب
هتبقى بتتاجر مع القوة الكبرى فى السوق ده
وتدخل معاهم فى العقود اللى بيدخلوها .

مناطق العرض والطلب نقدر تقول عليها مرحلة متقدمة من الدعوم والمقاومات
لكن عبارة عن مستويات
وليست نقطة ثابتة كالدعوم والمقاومات .

وليس اى منطقة دعم او مقاومة تعتبر منطقة عرض او منطقة طلب .

منطقة العرض هيا المنطقة اللى بيدخل من عندها صناع السوق صفقات البيع
اى ان الاتجاه يتحول الى هابط عندها او هيا المناطق التى يكون فيها المعروض اكثر من المطلوب وبالتالى تقل قيمة الشئ

منطقة الطلب هيا المنطقة اللى بيدخل من عدها صناع السوق صفقات الشراء
اى ان الاتجاه يتحول الى صاعد بعدها او هيا المناطق التى يكون فيها المطلوب اكثر من المعروض وبالتالى تزيد قيمة الشئ عندها


نبتدى بقى ندى امثلة للمناطق دى وازاى نعرفها على الشارت
ونتعامل معاها
ونعرف المناطق القوية والمناطق الضعيفة .

عاوز اوضح فى الاول ان احنا مبندخلش مع المستويات دى من اول مرة لكن صناع السوق
بيكونوها واحنا بندخل منها
لما الاسعار توصلها تانى مرة .




فى الصورة السابقة شايفين السعر اتحرك ازاى من عند المنطقة المظللة !!!

دى بقى اللى بنسميها منطقة طلب .


طيب نركز بقى فى الصورة اللى جاية



شايفين السعر ازاى اتجرك هبوطا من عند المنطقة المظللة وبعدين صعد تانى واول ما لمسها هبط تانى بسرعة قوية .

احنا بقى دخولنا دايما بيكون مع اللمسة التانية دى
والستوب بتاعنا فوق المنطقة
والهدف بيبقى اضعاف الستوب .

الشارتات الجاية دى بقى هتبقى مجرد امثلة






ندخل بقى على نقطة جديدة :
عشان تتاجر بالعرض والطلب لازم اول حاجة تعملها انك تحدد الترند الحالى للزوج اللى هتتاجر عليه
اى زوج فى الدنيا بيمر ب 3 مراحل هما ( مرحلة صعود - مرحلة تذبذب - مرحلة هبوط )
يبقى اول حاجة بتعملها انك تشوف الزوج فى انهى مرحلة فيهم
طبعا مرحلة التذبذب دى كلنا عارفنها كويس ومبنبقاش محتارين فيها

انما الحيرة كلها بتظهر بقى لما تقول لحد انت شايف الزوج ده فى ترند صااعد ولا هابط ؟؟!!!

هقولكوا طريقتى اللى بحدد بيها الترند وهيا عن طريق مناطق العرض والطلب برضه

ببساطة جدا بشوف الزوج ده فى الفترة الحالية بيحترم مناطق العرض ولا الطلب اكتر
يعنى لو لقيت الزوج كل ما يوصل لمنطقة طلب ويصعد منها كويس ولما يوصل لمنطقة العرض يكسرها بسهولة من غير مشاكل ويكمل صعود عادى وبعدين يهبط يحترم منطقة الطلب الجديدة وميحترمش مناطق العرض ساعتها بقرر ان ده ترند صاعد الى ان يثبت العكس

اما بقى لو السعر بيحترم مناطق العرض ويهبط منها وييجى عند مناطق الطلب وميحترمهاش ويكسرها بسهولة ويستمر فى احترام مناطق العرض وكسر مناطق الطلب ساعتها بقرر ان الترند ده ترند هابط الى ان يثبت العكس .

يبقى طريقة متاجرتنا بالعرض والطلب بتكون كالتالى : اول حاجة بنعملها اننا بنحدد الزوج ف ترند صاعد او هابط

لقينا الزوج فى ترند صاعد يبقى نركز على مناطق الطلب ونشترى الزوج كل ما يبقى عند منطقة طلب ممهمة .
انما لو الزوج فى ترند هابط ساعتها بقى بنركز على مناطق العرض ونبيع الزوج دايما من عند مناطق العرض .

وصلنا بقى دلوقتى لازاى نستخرج مناطق العرض والطلب :

مبدايا كده هقولك طريقة تحدد بيها المناطق بسهولة وبعد كده نقول المعايير اللى بنحدد عليها عشان بعدها تقدر تقيم اذا كانت دى منطقة قوية ولا ضعيفة .

بتفتح الشارت عادى جدا وتبتدى تدور على المناطق اللى الزوج اتحرك منها حركة قوية جدا وبعدين بتحدد المناطقة دى بمستطيل

يعنى بتشوف المناطق اللى على الشارت اللى ادت الى هبوط قوى للسعر وتحددها وتسميها بمناطق العرض

وتشوف المناطق اللى على الشارت اللى ادت الى صعود قوى للسعر وتحددها وتسميها مناطق العرض .

طيب ازاى بقى تحدد بداية المنطقة ونهايتها ؟؟!!

باختصار هتشوف المنطقة اللى قررت انت انها منطقة عرض او طلب وتشوف اخر شمعة حصلت قبل بداية تككون المنطقة وترسم المستطيل اللى محدد بيه المنطقة دى على الشمعة دى من الراس بتاعها لحد نهاية الديل

نوضحها بمثال عشان تبان اكتر :


فى الشارت السابقة انا حددت المنطقة وكان بدايتها عند الشمعة اللى عامل عليها سهم احمر دى وبعد كده رسمت خطين على بداية ونهاية الشمعة دى وبكده حددنا منطقة العرض وحددنا بدايتها ونهايتها يعنى هيا دى المنطقة اللى هنبيع منها اول ما السعر يوصلها .

يبقى احنا كده لحد دلوقتى شرحنا :
*معنى العرض والطلب
*طريقة المتاجرة بالعرض والطلب ( لسه لينا كلام فيها تانى )
*ازاى نحدد اتجاه الترند
*ازاى نرسم منطقة العرض والطلب

ندخل بقى على نقطة جديدة وهيا النماذج اللى موجودة فى العرض والطلب :



اول نموذج معانا هو

rally - base - rally

معنى النموذج هو ان بيتم صعود قوى ثم مرحلة ذبذبة ثم يتم استكمال الصعود
والنموذج موضح بمثال فى الشارت القادم




تانى نموذج معانا هو rally - base - drop

ومعناه هو صعود قوى ثم ذبذبة ثم هبوط قوى والعودة الى منطقة الطلب .
وموضح النموذج فى الشارت القادم .




النموذج الثالت هو drop - base - drop
وهو نموذج خاص بمناطق العرض وليس الطلب ومعناه هو هبوط قوى ثم ذبذبة ثم استمرار الهبوط
وموضخ فى الشارت القادم .



النموذج الرابع والاخير هو : drop - base - rally

وهو يكون هبوط ثم ذبذبة ثم الصعود مرة اخرى الى منطقة العرض .


كده خلصنا ال 4 نماذج اللى عندنا فى العرض والطلب

ندخل بقى على المعايير اللى بنحدد عليها قوة المنطقة والتحرك منها :
1- قوة الحركة من المنطقة : كلما كانت الحركة قوية من المنطقة اصبحت المنطقة اقوى
اى انه يجب ان تكون الحركة قوية بمعنى انه يجب ان يكون هنا على الاقل اربع شموع صاعدة متتالية
او اكثر حتى تصبح المنطقة فعالة اى انه اذا وجدنا مثلا اربع شموع صاعدة او اكثر
فتصبح المنطقة منطقة طلب
ونشترى عندما يعود السعر اليها .
اما اذا كان هناك اربع شموع هابطة فاكثر
تصبح المنطقة منطقة عرض ونبيع عندما يصل السعر اليها مرة اخرى
وكلما زاد عدد الشموع فى اتجاه معين تكون المنطق اقوى .
نوضح بمثال على الشارت :
مثال على قوة الحركة من منطقة طلب :


عند السهم الصاعد الاول كانت لسه المنطقة ببتكون وزى ما شايفين قوة الشموع الصاعدة المتتالية وده بيدى قوة للمنطقة عشان كده اول ما السعر نزل لمس المنطقة لمسة بسيطة جدا صعد تانى بقوة جدا .

مثال على قوة الحركة من منطقة العرض :


شموع هابطة متتالية واول ما السعر صعد للمنطقة يدوب لمسها تانى بديل شمعة وهبط تانى بقوة جداا.


2- عدد مرات اختبار المنطقة :

بمعنى انه اذا وجد لدينا منطقة عرض مثلا فنحن نبيع عندها فيهبط السعر فنخرج على المكسب
لكن اذا صعد السعر مرة ثالثة الى المنطقة فلا يتم الدخول بيع مرة اخرى
لانه اذا زادت عدد مرات اختبار المنطقة تضعفف المنطقة مع كل مرة
ويتم كسرها فى النهاية والعكس صحيح فى حالة منطقة الطلب .


زى ما فى الشارت السابق السعر اول حاجة كون منطقة الطلب وبعد كده نزل لمسها وصعد ونزل لمسها مرة تانية وصعد لكن بعد ما المنطقة نجحت مرتين فى تالت مرة السعر قدر يتذبذب عند المنطقة ويخترقها لذلك لا يتم الاعتماد على منطقة الطلب او العرض بعد اختبارها مرتين .


3- توافق الفريمات : يجب ان يكون هناك توافق بين الفريمات على عملية البيع او الشراء .
مثال : تم تكوين منطقة طلب على فريم اليومى
ونستعد للشراء فيجب النظر اولا الى الفريم الاكبر منه وهة الاسبوعى
والبحث عن اشارة عليه تدعم الدخول شراء ايضا فاذا وجدت منطقة طلب ايضا عليه
او اى اشارت تدعم الصعود تكون الفرصة صحيحة ويتم الدخول فى الفرصة
ولكن اذا وجد ان الفريم الاكر يعطى اشارة مغيرة لفريم اليومى
لا يتم الدخول فى الفرصة للتضارب وعد التوافق بين الفريمات .


طيب كده حددنا ازى نقيم قوة مناطق العرض والطلب ندخل بقى على حاجة مهمة جدا جدا الل هيا ازاى صانع السوق اللى بيكون المناطق دى بيفكر ؟؟!!
اللى انا اقصده بصانع السوق الناس اللى بتبقى معاها سيولة كبيرة جدا وتقدر تحرك السوق ,, دايما صانع السوق طريقة تفكيره بتبقى كالتالى :
1- الشراء على اقل سعر : دايما الناس دى بيبقى هدفها انها تشترى على اقل سعر ممكن يوصله الزوج ,, بيبقى انت كمضارب عادى ومش معاك سيولة تخيلت ان خلاص الترند ده هابط وهيفضل مستمر فالهبوط وتقعد تبيع وساعتها بيكون هو مستغلك وعمال يشترى منك هو لانه عارف انه كده هياخده على اقل سعر وبالتالى ياخد هو الحاجة من اقل سعر ويطلع بيه لفوق من القاع وفى الاخر العمملية تتعكس وانت تفكر فى الشراء فيقوم يبيع الكميات كلها وانت تلبس

2 - البيع من اعلى سعر : هيا اخر حتة شرحتها فى النقطة الاولى وعكس الكلام اللى فى الاول ده .

3- توريط الناس : دايما بيبقى عاوز يورط المضاربين الصغيرين لان ده فى مصلحته فى الاخر عشان يطلع بالسعر وينزل بيه لوحده ويلاقى حد يبيعله ويشترى منه فبالتالى بيلعب عليكك كتير زى مثلا كسر وهمى لدعم ,, اختراق مقاومة ,,, كسر كاذب لترند وحاجات تانية كتير بيورط بيها الناس عشان يخليهم يعملوا اللى هو عاوزه من الاول اصلا

4- المسارات الافقية هيا مناطق بناء القرارات : دايما لما بيبقى فيه ذبذبة اعرف علطول ان قريب جدا فيه قرار هيتاخد سواء بالصعود القوى او الهبوط القوى ,, يعنى تقدر تقول ان التذبذب ده بيحصل فيه انوا بيبقى الوقت الللى بيحطوا فيه الاوردرات بتاعتهم وبعد الحركة القوية بتحصل .

5 - استخدام الاخبار : دايما فى اوقات كتير بتلاقى الاخبار الايجابية على العملة وفى نفس الوقت بتلاقى العملة هبطت جامد ومبنبقاش فاهمين ايه اللى بيحصل ده بس فى الجقيقة الاخبار ما هى الا لعبة عشان يسرعو بس حركة السوق فى الاتجاه اللى هما عاوزينه ويوصلوا لهدفهم بسرعة بس طبعا الكلام ده مش على كل الاخبار فى جالاتت شاذ مينفعش يحصل فيها الكلام ده .


نيجى بقى لميزة انا بحبها جدا فى العرض والطلب :
دايما هدفك بيكون اضعاف السوب اللى انت حاطه وفى حالات كتير اوى ممكن يكون استوبك مثلا 20 نقطة وهدفك 200 نقطة يعنى هدف 10 اضعاف الخسارة وبالتالى صفقة واحدة ممكن تعوضلك صفقات كتير خسرانة ودى اهم ميزة فى العرض والطلب .
تحذير صغير بقى : متدخلش صفقة اذا اذا كان السعر فى منطقة عرض او طلب يعنى متدخلش متاخر بعد ما يكون السعر لمس المنطقة وبقى فى نص الطريق للهدف لان ساعتها استوبك هيكون كبير جدا وهتكون معرض ان الصفقة تعكس عليك بسبب التصحيح .

وبكده نبقى خلصنا العرض والطلب وعن طريق رقم 1 اللى هو الدعوم والمقاومات ورقم 2 اللى هو العرض والطلب يبقى احنا كده قدرنا نحدد المناطق اللى هيتحرك من عندا السعر بالقوة ومش ناقصنا غير حاجة واحدة بس واللى هيا
اشارة بدء الحركة القوية ودى بقى حلها معانا هو تالت نقطة ذكرناها فى اول الموضوع وهيا :

3- برايس اكشن :

مش هنتكلم فى البرايس اكشن كله النهاردة لانه هياخد مننا وقت كتير اوى ومش هينفع فى مشاركة واحدة لكن هشرح النهاردة اهم حاجات فيه بس :

البرايس اكشن اعتمادا على شمعة ( البن بار) :



باختصار هيا شمعة لها جسم صغير وذيل طويل ويجب ان يكون ذيل الشمعة اكبر من 60 فى المية من جسم الشمعة

هنفترض ان الشمعة 100 نقطة مثلا ,, يبقى عشان الشمعة دى تبقى بن بار لازم يكون 60 نقطة منها على الاقل عبارة عن ذيل وكلما كان الذيل اطول كان افضل .

طب ايه بقى فايدة الشمعة دى ؟؟!!!

الشمعة دى بتيجى فى اخر اتجاه صاعد وبتحوله الى اتجاه هابط

والعكس صحيح بتيجى فى اخر اتجاه هابط فتحوله الى صاعد .

طريقة المتاجرة عليها بقى ايه !!؟؟

لما الشمعة بتيجى فى اخر اتجاه صاعد وقريبة من مقاومة او فيبو او منطقة عرض بيتم الدخول بيع بعد بداية الهبوط وكسر لو الشمعة وبيكون الستوب بتاعنا فوق الشمعة ب 5 نقطة

والهدف بيكون ضعف الستوب مرتين او تلاتة وبنقفل جزء من العقود لما نوصل لنص الهدف .

اما لو دت فى اخر اتجاه هابط وقريبة من دعم او فيبو او منطقة طلب
بيتم الدخول شراء بعد كسر هاى الشمعة وبيكون الستوب بتاعنا تحت الشمعة ب 5 نقط
والهدف ضعف الستوب مرتين او تلاتة
اغلاق جزء من العقود عند الوصول الى نصف الهدف .

ندخل بقى على الامثلة عشان هيا اللى هتفهمنا كتر :


نركز فى الشارت السابق هنلاقى كان عندنا بن بار قوية
عند مستوى مقاومة
يبقى يتم الدخول بيع بعد كسر لو شمعة البن بار وبستوب فوق شمعة البن بار ب 5 نقط
او فوق المقاومة
ويكون الهدف ضعف الستوب مرتين او تلاتة
ويتم اغلاق جزء من العقود بعد تحقيق نصف الهدف من الهدف .


مثال ثانى : نركز فى الشارت السابق هنلاقى كان عندنا بن بار قوية
عند مستوى مقاومة
يبقى يتم الدخول بيع بعد كسر لو شمعة البن بار وبستوب فوق شمعة البن بار ب 5 نقط
او فوق المقاومة
ويكون الهدف ضعف الستوب مرتين او تلاتة
ويتم اغلاق جزء من العقود بعد تحقيق نصف الهدف من الهدف .


مثال ثانى :

فى الشارت السابق عندنا بن بار عند مستوى دعم يبقى يتم الدخول بعد كسر هاى شمعة البن بار بالستوب والاهداف اللى شرحناها قبل كده .

ملاحظات مهمة على البن بار :
* لا يمكن الدخول اذا لم تكن الشمعو قريب من دعم او مقاومة او فيبو او منطقة عرض او طلب فيجب ان يكون هناك اشارة تاكيدية اخر مع الشمعة .
* فى حالة الشراء يتم الدخول بعد كسر هاى الشمعة وفى حالة الدخول بيع يتم الدخول بعد كسر لو الشمعة


نيجى بقى لتانى حاجة معانا فى البرايس اكشن وهيا ال engulfing bar ( الشمعة الابتلاعية )

من افضل الشموع الموجودة ايضا فى الفوركس

طب ليه بقى سموها الشمعة الابتلاعية !!!!؟؟؟؟

لانها بتيجى فى نهاية اتجاه صاعد مثلا وتيجى شمعة ابتلاعية هابطة تبلع الشموع اللى قبلها وميبقوش باينين منها ثم يتحول الاتجاه الى هابط

او تاتى فى نهاية اتجاه هابط وتبتلع الشموع الاخيرة فيه وتحول الاتجاه الى اتجاه صاعد

دى صورة لقتها على الننت بتوضح كل اشكال الشمعة دى

ندخل بقى على الامثلة واالشارتات عشان هيا اللى بتوضح الدنيا

فى الشارت السابقة كان عندنا اتجاه صاعد جت شمعة ابتلاعية هابطة فى الاخر ابتلعت الشمعة
اللى قبلها
وحولت الاتحاه الى اتجاه هابط
يتم الدخول مباشرة بعد تكوين الشمعة الابتلاعية
ويكون الستوب فوق قمة الشمعة الابتلاعية والهدف يكون ضعف الستوب
ويتم اغلاق جزء من الارباح بعد تحقيق نصف الهدف

وادى كمان مثالين :


نيجى بقى لاخر مثال معانا :


زى ما شايففين كان عندنا اتجاه هابط قوى جت شمعة ابتلاعية صاعدة ابتلعت اخر 4 شموع هابطة وحولت الاتجاه الى اتجاه صاعد قوى جدا .

ملاحظات على الشمعة الابتلاعية :
* اذا كان الاتجاه هابط وجاءت شمعة ابتلاعية صاعدة يتم الدخول شراء مباشرة بعد اغلاق الشمعة الابتلاعية بستوب تحت لو الشمعة ب 5 نقطة وهدف ضعف الستوب .
* اذا كان الاتجاه صاعد وجاءت شمعة ابتلاعية ههابطة يتم الدخول بيع مباشرة بعد اغلاق الشمعة الابتلاعية بستوب فوق قمة الشمعة الابتلاعية ب 5 نقط وهدف ضعف الستوب .
* يجب ان تكون الشمعة مدعومة بتواجد دعم او مقاومة او فيبو او منطقة عرض او طلب .

وبكده نبقى خلصنا الجانب الفنى فى الاستراتيجية كله .
ملخص الجانب الفنى :
1- تحديد مناطق الدعوم والمقاومات بالطريقة التم تم شرحها وتحديد اماكنها على الشارت برسم مستطيل فى مكان المنطقة المحددة
2- تحديد مناطق العرض والطلب ورسم مستطيل عند كل منطقة عرض وطلب
3- انتظار وصول السعر الى منطقة من المناطق المحددة
4- الدخول فى الصفقة عند تفاعل السعر مع المنطقة وعمل نموذج برايس اكشن عند هذه المناطق

__________________________________________________ ______


يبقى ملخص الجانب الاول فى سطرين :
بنحدد منطقة بناءا على اول نقطتين شرحناهم ونستنى تفاعل ببرايس اكشن مع المنطقة واول ما يحصل التفاعل ندخل الصفقة بهدف المنقطقة المقابلة والستوب بيكون تحت المنطقة اللى دخلين منها فى حالة الشراء والعطس فى حالة البيع
__________________________________________________ ___________________________________


2 - الجانب الثانى
جانب ادارة راس المال :

وده يعتبر جانب مهم جدا فى الاستراتيجية ولا يقل اهمية عن الجانب الفنى
الموضوع بسيط وسهل جدا

1- دلوقتى احنا عن طريق الجانب الفنى استطعنا تحديد المناطق التى ستحدث من عندها حركة قوية للسعر ,,
فبالتالى بقى عندنا المنطقة صغيرة والهدف دائما هيكون المنطقة المقابلة ليه يعنى الهدف دائما هيكون اضعاف الستوب لوس .

2 -نقطة وقف الخسارة : نقطة وقف الخسارة دائما تكون ثابتة ومحددة تحت المنطقة المحددة فى حالة الشراء
وفوق المنطقة المحددة فى حالة البيع .

3-نسبة الهدف للخسارة : بالاستراتيجية دى دايما هتلاقى هدفك اضعاف الستوب وبالتالى هتلاقى صفقة واحدة كسبانى بتعوضلك صفقات كتير اوى خسرانة وساعات النسبة بتوصل ل 1 : 5 و 1 : 7

4- لا يجب الدخول فى اى صفقة باكثر من 2 فى المية من راس المال بحيث ان الستوب يكون 2 فى المية من راس المال وبما ان نسبة الهدف للخسارة فى الاستراتيجية بتاعتنا كبير فلما هتخسر هتخسر 2 فى المية ولما هتكسب هتكسب على الاقل 6 فى المية من راس مالك

5- الالترام التام بهذه النقط سيؤدى بكم الى ارباح جيدة ومستمرة ان شاء الله .

6-يجب الالتزام بنقطة وقف الخسارة دائما وعدم زيادتها او تقليلها مهما حدث .

7 - يجب تقسيم اعقود واغلاق جزء من العقود بعد التحرك فى اتجاه الهدف واغلاق العقود كلما اقتربت من الهدف جزء بجز لتجنب الارتدداد


8 - عند الوصول الى ربح جيد يجب نقل الستوب الى منطقة الدخول وبعدها الى ما بعد نقطة الدخول لضمان الربح حتى فى حالة الارتداد .
9- ادارة راس المال هيا اهم شئ فى الفوركس .



الحمد لله انا كده قدرت انتهى من الموضوع كاملا وهنزل المشاركة دى فى موضوع منفصل ان شاء الله عشان لو فى حاجة نسيتها اقدر اضيفها وعشان لو حد عنده اى استفسار عن الطريقة اجاوب عليه ان شاء الله ونعمل ورشة للاستراتيجية

وشكرا للمنتدى على المسابقات اللى بتشجعنا نكتب اللى عندنا عشان نستفيد كلنا من بعض .

واتمنى انى اكون قدرت اقدملكوا موضوع منظم ومرتب وفيه افكار تقدروا تستفيدوا بيها ان شاء الله وتعدولوا عليها وتقولولى عشان نطورها مع بعض


ودعواتكم ليا بالتوفيق .

[ahmed osama 2]

بسم الله الرحمن الرحيم

النهاردة هشرح استراتيجيتى كاملة وهيا الحمد لله فعالة معايا جدا بقالها فترة كبيرة .

اولا الاستراتيجية بتنقسم لجانبين :

1 - جانب فنى

2- جانب ادارة راس المال .

الاتنين اهم من بعض لان الجانبين بيكملوا بعض لو واحد فيهم وقع هيوقع التانى بسهولة جداا

طيب نقسمهم واحدة واحدة :

1- الجانب الفنى ( التحليل ) :


ببتدى احلل العملات بطريقة مبسطة جدا اعتمادا على شوية حاجات فيه منهم حاجات انا شرحتها قبل كده هنزل شرحها تانى هنا وحاجات اول مرة هشرحها .

انا بمسك الشارت ادور فيه على الحاجات دى واطلعها :

1 - منطقة دعم او مقاومة قوى ( دعم ومقاومة من نوع خاص هشرحهم بالتفصيل )
2- منطقة عرض او طلب ( شرحتها قبل كده وهنزل شرحهم تانى )
وبعد ما احدد الجزء رقم 1 و 2 ببتدى ارسم عليهم مستطيل عشان احددهم وبعدين استنى تالت جزء يحصل وهو
3- برايس اكشن

نبتدى بقى نفسر ال 3 حاجات اللى فاتوا دول حاجة حاجة :
1 - منطقة دعم او مقاومة قوى ( دعم ومقاومة من نوع خاص هشرحهم بالتفصيل ) :

انا ببتدى ادور على منطقة دعم على الديلى اتكسرت واتحولت لمنطقة مقاومة ولما السعر بيوصلها ببيع تانى من عندها واتثبتلى مع الوقت والتجربة انها بتبقى منطقة قوية جدا .

نشوف مثال :


زى ما فى المثال كان عندنا منطقة دعم بترد السعر لفوق واول ما تم كسرها بعد اعاددة اختبارها انهار الزوج الى الهبوط


تانى حاجة بدور عليها هيا منطقة مقاومة اتكسرت واتحولت الى دعم قوى وبستنى السعر ينزل عند الدعم ده تانى واشترى الزوج
نشوف مثال :

هنا فى المثال ده الموضوع اتعكس ,, كان عندنا منطقة مقااومة قوية
اتكسرت والسعر عداها اول ما نزل عندها تانى
صعد بقوة من عندها بالظبط .

يبقى كده فهمنا ان اول حاجة بنعملها بنحدد مناطق الدعوم والمقاومات
اللى انا قولت عليها دى
ونعمل عليها مستطيل على الشارت
بحيث ان احنا نحددها .


ندخل على الخطوة التانية :

2- منطقة عرض او طلب :
وهنزل دلوقتى طريقتها وازاى نستخرجها وكل حاجة عنها


مناطق العرض والطلب :هى المناطق التى يكون عندها اوامر البيع او الشراء
لصناع السوق والتى منها يشهد السوق تحركات قوية فى اتجاه محدد
نظرا لوجود صانع سوق دخل بعدد عقود كبير فى اتجاه معين .

مثال : لو فيه سلعة معينة فجاة الناس كلها بقت محتاجاها وبقت كل الناس بتشتريها اكيد ساعتها سعر السلعة دى هيزيد جدا لان عليها طلب جامد .
مثال تانى : لو فيه سلعة معينة ( سيارة مثلا ) ظهر فيها عيوب والناس مبقتش تشتريها خالص اكيد ساعتها سعرها هينزل جامد لانه معروضة كتير فى السوق ومفيش مشتريين ليها فاكيد ساعتها سعرها هينزل عشان الناس يشتروها .

يعنى باستخدامك مناطق العرض والطلب
هتبقى بتتاجر مع القوة الكبرى فى السوق ده
وتدخل معاهم فى العقود اللى بيدخلوها .

مناطق العرض والطلب نقدر تقول عليها مرحلة متقدمة من الدعوم والمقاومات
لكن عبارة عن مستويات
وليست نقطة ثابتة كالدعوم والمقاومات .

وليس اى منطقة دعم او مقاومة تعتبر منطقة عرض او منطقة طلب .

منطقة العرض هيا المنطقة اللى بيدخل من عندها صناع السوق صفقات البيع
اى ان الاتجاه يتحول الى هابط عندها او هيا المناطق التى يكون فيها المعروض اكثر من المطلوب وبالتالى تقل قيمة الشئ

منطقة الطلب هيا المنطقة اللى بيدخل من عدها صناع السوق صفقات الشراء
اى ان الاتجاه يتحول الى صاعد بعدها او هيا المناطق التى يكون فيها المطلوب اكثر من المعروض وبالتالى تزيد قيمة الشئ عندها


نبتدى بقى ندى امثلة للمناطق دى وازاى نعرفها على الشارت
ونتعامل معاها
ونعرف المناطق القوية والمناطق الضعيفة .

عاوز اوضح فى الاول ان احنا مبندخلش مع المستويات دى من اول مرة لكن صناع السوق
بيكونوها واحنا بندخل منها
لما الاسعار توصلها تانى مرة .




فى الصورة السابقة شايفين السعر اتحرك ازاى من عند المنطقة المظللة !!!

دى بقى اللى بنسميها منطقة طلب .


طيب نركز بقى فى الصورة اللى جاية



شايفين السعر ازاى اتجرك هبوطا من عند المنطقة المظللة وبعدين صعد تانى واول ما لمسها هبط تانى بسرعة قوية .

احنا بقى دخولنا دايما بيكون مع اللمسة التانية دى
والستوب بتاعنا فوق المنطقة
والهدف بيبقى اضعاف الستوب .

الشارتات الجاية دى بقى هتبقى مجرد امثلة






ندخل بقى على نقطة جديدة :
عشان تتاجر بالعرض والطلب لازم اول حاجة تعملها انك تحدد الترند الحالى للزوج اللى هتتاجر عليه
اى زوج فى الدنيا بيمر ب 3 مراحل هما ( مرحلة صعود - مرحلة تذبذب - مرحلة هبوط )
يبقى اول حاجة بتعملها انك تشوف الزوج فى انهى مرحلة فيهم
طبعا مرحلة التذبذب دى كلنا عارفنها كويس ومبنبقاش محتارين فيها

انما الحيرة كلها بتظهر بقى لما تقول لحد انت شايف الزوج ده فى ترند صااعد ولا هابط ؟؟!!!

هقولكوا طريقتى اللى بحدد بيها الترند وهيا عن طريق مناطق العرض والطلب برضه

ببساطة جدا بشوف الزوج ده فى الفترة الحالية بيحترم مناطق العرض ولا الطلب اكتر
يعنى لو لقيت الزوج كل ما يوصل لمنطقة طلب ويصعد منها كويس ولما يوصل لمنطقة العرض يكسرها بسهولة من غير مشاكل ويكمل صعود عادى وبعدين يهبط يحترم منطقة الطلب الجديدة وميحترمش مناطق العرض ساعتها بقرر ان ده ترند صاعد الى ان يثبت العكس

اما بقى لو السعر بيحترم مناطق العرض ويهبط منها وييجى عند مناطق الطلب وميحترمهاش ويكسرها بسهولة ويستمر فى احترام مناطق العرض وكسر مناطق الطلب ساعتها بقرر ان الترند ده ترند هابط الى ان يثبت العكس .

يبقى طريقة متاجرتنا بالعرض والطلب بتكون كالتالى : اول حاجة بنعملها اننا بنحدد الزوج ف ترند صاعد او هابط

لقينا الزوج فى ترند صاعد يبقى نركز على مناطق الطلب ونشترى الزوج كل ما يبقى عند منطقة طلب ممهمة .
انما لو الزوج فى ترند هابط ساعتها بقى بنركز على مناطق العرض ونبيع الزوج دايما من عند مناطق العرض .

وصلنا بقى دلوقتى لازاى نستخرج مناطق العرض والطلب :

مبدايا كده هقولك طريقة تحدد بيها المناطق بسهولة وبعد كده نقول المعايير اللى بنحدد عليها عشان بعدها تقدر تقيم اذا كانت دى منطقة قوية ولا ضعيفة .

بتفتح الشارت عادى جدا وتبتدى تدور على المناطق اللى الزوج اتحرك منها حركة قوية جدا وبعدين بتحدد المناطقة دى بمستطيل

يعنى بتشوف المناطق اللى على الشارت اللى ادت الى هبوط قوى للسعر وتحددها وتسميها بمناطق العرض

وتشوف المناطق اللى على الشارت اللى ادت الى صعود قوى للسعر وتحددها وتسميها مناطق العرض .

طيب ازاى بقى تحدد بداية المنطقة ونهايتها ؟؟!!

باختصار هتشوف المنطقة اللى قررت انت انها منطقة عرض او طلب وتشوف اخر شمعة حصلت قبل بداية تككون المنطقة وترسم المستطيل اللى محدد بيه المنطقة دى على الشمعة دى من الراس بتاعها لحد نهاية الديل

نوضحها بمثال عشان تبان اكتر :


فى الشارت السابقة انا حددت المنطقة وكان بدايتها عند الشمعة اللى عامل عليها سهم احمر دى وبعد كده رسمت خطين على بداية ونهاية الشمعة دى وبكده حددنا منطقة العرض وحددنا بدايتها ونهايتها يعنى هيا دى المنطقة اللى هنبيع منها اول ما السعر يوصلها .

يبقى احنا كده لحد دلوقتى شرحنا :
*معنى العرض والطلب
*طريقة المتاجرة بالعرض والطلب ( لسه لينا كلام فيها تانى )
*ازاى نحدد اتجاه الترند
*ازاى نرسم منطقة العرض والطلب

ندخل بقى على نقطة جديدة وهيا النماذج اللى موجودة فى العرض والطلب :



اول نموذج معانا هو

rally - base - rally

معنى النموذج هو ان بيتم صعود قوى ثم مرحلة ذبذبة ثم يتم استكمال الصعود
والنموذج موضح بمثال فى الشارت القادم




تانى نموذج معانا هو rally - base - drop

ومعناه هو صعود قوى ثم ذبذبة ثم هبوط قوى والعودة الى منطقة الطلب .
وموضح النموذج فى الشارت القادم .




النموذج الثالت هو drop - base - drop
وهو نموذج خاص بمناطق العرض وليس الطلب ومعناه هو هبوط قوى ثم ذبذبة ثم استمرار الهبوط
وموضخ فى الشارت القادم .



النموذج الرابع والاخير هو : drop - base - rally

وهو يكون هبوط ثم ذبذبة ثم الصعود مرة اخرى الى منطقة العرض .


كده خلصنا ال 4 نماذج اللى عندنا فى العرض والطلب

ندخل بقى على المعايير اللى بنحدد عليها قوة المنطقة والتحرك منها :
1- قوة الحركة من المنطقة : كلما كانت الحركة قوية من المنطقة اصبحت المنطقة اقوى
اى انه يجب ان تكون الحركة قوية بمعنى انه يجب ان يكون هنا على الاقل اربع شموع صاعدة متتالية
او اكثر حتى تصبح المنطقة فعالة اى انه اذا وجدنا مثلا اربع شموع صاعدة او اكثر
فتصبح المنطقة منطقة طلب
ونشترى عندما يعود السعر اليها .
اما اذا كان هناك اربع شموع هابطة فاكثر
تصبح المنطقة منطقة عرض ونبيع عندما يصل السعر اليها مرة اخرى
وكلما زاد عدد الشموع فى اتجاه معين تكون المنطق اقوى .
نوضح بمثال على الشارت :
مثال على قوة الحركة من منطقة طلب :


عند السهم الصاعد الاول كانت لسه المنطقة ببتكون وزى ما شايفين قوة الشموع الصاعدة المتتالية وده بيدى قوة للمنطقة عشان كده اول ما السعر نزل لمس المنطقة لمسة بسيطة جدا صعد تانى بقوة جدا .

مثال على قوة الحركة من منطقة العرض :


شموع هابطة متتالية واول ما السعر صعد للمنطقة يدوب لمسها تانى بديل شمعة وهبط تانى بقوة جداا.


2- عدد مرات اختبار المنطقة :

بمعنى انه اذا وجد لدينا منطقة عرض مثلا فنحن نبيع عندها فيهبط السعر فنخرج على المكسب
لكن اذا صعد السعر مرة ثالثة الى المنطقة فلا يتم الدخول بيع مرة اخرى
لانه اذا زادت عدد مرات اختبار المنطقة تضعفف المنطقة مع كل مرة
ويتم كسرها فى النهاية والعكس صحيح فى حالة منطقة الطلب .


زى ما فى الشارت السابق السعر اول حاجة كون منطقة الطلب وبعد كده نزل لمسها وصعد ونزل لمسها مرة تانية وصعد لكن بعد ما المنطقة نجحت مرتين فى تالت مرة السعر قدر يتذبذب عند المنطقة ويخترقها لذلك لا يتم الاعتماد على منطقة الطلب او العرض بعد اختبارها مرتين .


3- توافق الفريمات : يجب ان يكون هناك توافق بين الفريمات على عملية البيع او الشراء .
مثال : تم تكوين منطقة طلب على فريم اليومى
ونستعد للشراء فيجب النظر اولا الى الفريم الاكبر منه وهة الاسبوعى
والبحث عن اشارة عليه تدعم الدخول شراء ايضا فاذا وجدت منطقة طلب ايضا عليه
او اى اشارت تدعم الصعود تكون الفرصة صحيحة ويتم الدخول فى الفرصة
ولكن اذا وجد ان الفريم الاكر يعطى اشارة مغيرة لفريم اليومى
لا يتم الدخول فى الفرصة للتضارب وعد التوافق بين الفريمات .


طيب كده حددنا ازى نقيم قوة مناطق العرض والطلب ندخل بقى على حاجة مهمة جدا جدا الل هيا ازاى صانع السوق اللى بيكون المناطق دى بيفكر ؟؟!!
اللى انا اقصده بصانع السوق الناس اللى بتبقى معاها سيولة كبيرة جدا وتقدر تحرك السوق ,, دايما صانع السوق طريقة تفكيره بتبقى كالتالى :
1- الشراء على اقل سعر : دايما الناس دى بيبقى هدفها انها تشترى على اقل سعر ممكن يوصله الزوج ,, بيبقى انت كمضارب عادى ومش معاك سيولة تخيلت ان خلاص الترند ده هابط وهيفضل مستمر فالهبوط وتقعد تبيع وساعتها بيكون هو مستغلك وعمال يشترى منك هو لانه عارف انه كده هياخده على اقل سعر وبالتالى ياخد هو الحاجة من اقل سعر ويطلع بيه لفوق من القاع وفى الاخر العمملية تتعكس وانت تفكر فى الشراء فيقوم يبيع الكميات كلها وانت تلبس

2 - البيع من اعلى سعر : هيا اخر حتة شرحتها فى النقطة الاولى وعكس الكلام اللى فى الاول ده .

3- توريط الناس : دايما بيبقى عاوز يورط المضاربين الصغيرين لان ده فى مصلحته فى الاخر عشان يطلع بالسعر وينزل بيه لوحده ويلاقى حد يبيعله ويشترى منه فبالتالى بيلعب عليكك كتير زى مثلا كسر وهمى لدعم ,, اختراق مقاومة ,,, كسر كاذب لترند وحاجات تانية كتير بيورط بيها الناس عشان يخليهم يعملوا اللى هو عاوزه من الاول اصلا

4- المسارات الافقية هيا مناطق بناء القرارات : دايما لما بيبقى فيه ذبذبة اعرف علطول ان قريب جدا فيه قرار هيتاخد سواء بالصعود القوى او الهبوط القوى ,, يعنى تقدر تقول ان التذبذب ده بيحصل فيه انوا بيبقى الوقت الللى بيحطوا فيه الاوردرات بتاعتهم وبعد الحركة القوية بتحصل .

5 - استخدام الاخبار : دايما فى اوقات كتير بتلاقى الاخبار الايجابية على العملة وفى نفس الوقت بتلاقى العملة هبطت جامد ومبنبقاش فاهمين ايه اللى بيحصل ده بس فى الجقيقة الاخبار ما هى الا لعبة عشان يسرعو بس حركة السوق فى الاتجاه اللى هما عاوزينه ويوصلوا لهدفهم بسرعة بس طبعا الكلام ده مش على كل الاخبار فى جالاتت شاذ مينفعش يحصل فيها الكلام ده .


نيجى بقى لميزة انا بحبها جدا فى العرض والطلب :
دايما هدفك بيكون اضعاف السوب اللى انت حاطه وفى حالات كتير اوى ممكن يكون استوبك مثلا 20 نقطة وهدفك 200 نقطة يعنى هدف 10 اضعاف الخسارة وبالتالى صفقة واحدة ممكن تعوضلك صفقات كتير خسرانة ودى اهم ميزة فى العرض والطلب .
تحذير صغير بقى : متدخلش صفقة اذا اذا كان السعر فى منطقة عرض او طلب يعنى متدخلش متاخر بعد ما يكون السعر لمس المنطقة وبقى فى نص الطريق للهدف لان ساعتها استوبك هيكون كبير جدا وهتكون معرض ان الصفقة تعكس عليك بسبب التصحيح .

وبكده نبقى خلصنا العرض والطلب وعن طريق رقم 1 اللى هو الدعوم والمقاومات ورقم 2 اللى هو العرض والطلب يبقى احنا كده قدرنا نحدد المناطق اللى هيتحرك من عندا السعر بالقوة ومش ناقصنا غير حاجة واحدة بس واللى هيا
اشارة بدء الحركة القوية ودى بقى حلها معانا هو تالت نقطة ذكرناها فى اول الموضوع وهيا :

3- برايس اكشن :

مش هنتكلم فى البرايس اكشن كله النهاردة لانه هياخد مننا وقت كتير اوى ومش هينفع فى مشاركة واحدة لكن هشرح النهاردة اهم حاجات فيه بس :

البرايس اكشن اعتمادا على شمعة ( البن بار) :



باختصار هيا شمعة لها جسم صغير وذيل طويل ويجب ان يكون ذيل الشمعة اكبر من 60 فى المية من جسم الشمعة

هنفترض ان الشمعة 100 نقطة مثلا ,, يبقى عشان الشمعة دى تبقى بن بار لازم يكون 60 نقطة منها على الاقل عبارة عن ذيل وكلما كان الذيل اطول كان افضل .

طب ايه بقى فايدة الشمعة دى ؟؟!!!

الشمعة دى بتيجى فى اخر اتجاه صاعد وبتحوله الى اتجاه هابط

والعكس صحيح بتيجى فى اخر اتجاه هابط فتحوله الى صاعد .

طريقة المتاجرة عليها بقى ايه !!؟؟

لما الشمعة بتيجى فى اخر اتجاه صاعد وقريبة من مقاومة او فيبو او منطقة عرض بيتم الدخول بيع بعد بداية الهبوط وكسر لو الشمعة وبيكون الستوب بتاعنا فوق الشمعة ب 5 نقطة

والهدف بيكون ضعف الستوب مرتين او تلاتة وبنقفل جزء من العقود لما نوصل لنص الهدف .

اما لو دت فى اخر اتجاه هابط وقريبة من دعم او فيبو او منطقة طلب
بيتم الدخول شراء بعد كسر هاى الشمعة وبيكون الستوب بتاعنا تحت الشمعة ب 5 نقط
والهدف ضعف الستوب مرتين او تلاتة
اغلاق جزء من العقود عند الوصول الى نصف الهدف .

ندخل بقى على الامثلة عشان هيا اللى هتفهمنا كتر :


نركز فى الشارت السابق هنلاقى كان عندنا بن بار قوية
عند مستوى مقاومة
يبقى يتم الدخول بيع بعد كسر لو شمعة البن بار وبستوب فوق شمعة البن بار ب 5 نقط
او فوق المقاومة
ويكون الهدف ضعف الستوب مرتين او تلاتة
ويتم اغلاق جزء من العقود بعد تحقيق نصف الهدف من الهدف .


مثال ثانى : نركز فى الشارت السابق هنلاقى كان عندنا بن بار قوية
عند مستوى مقاومة
يبقى يتم الدخول بيع بعد كسر لو شمعة البن بار وبستوب فوق شمعة البن بار ب 5 نقط
او فوق المقاومة
ويكون الهدف ضعف الستوب مرتين او تلاتة
ويتم اغلاق جزء من العقود بعد تحقيق نصف الهدف من الهدف .


مثال ثانى :

فى الشارت السابق عندنا بن بار عند مستوى دعم يبقى يتم الدخول بعد كسر هاى شمعة البن بار بالستوب والاهداف اللى شرحناها قبل كده .

ملاحظات مهمة على البن بار :
* لا يمكن الدخول اذا لم تكن الشمعو قريب من دعم او مقاومة او فيبو او منطقة عرض او طلب فيجب ان يكون هناك اشارة تاكيدية اخر مع الشمعة .
* فى حالة الشراء يتم الدخول بعد كسر هاى الشمعة وفى حالة الدخول بيع يتم الدخول بعد كسر لو الشمعة


نيجى بقى لتانى حاجة معانا فى البرايس اكشن وهيا ال engulfing bar ( الشمعة الابتلاعية )

من افضل الشموع الموجودة ايضا فى الفوركس

طب ليه بقى سموها الشمعة الابتلاعية !!!!؟؟؟؟

لانها بتيجى فى نهاية اتجاه صاعد مثلا وتيجى شمعة ابتلاعية هابطة تبلع الشموع اللى قبلها وميبقوش باينين منها ثم يتحول الاتجاه الى هابط

او تاتى فى نهاية اتجاه هابط وتبتلع الشموع الاخيرة فيه وتحول الاتجاه الى اتجاه صاعد

دى صورة لقتها على الننت بتوضح كل اشكال الشمعة دى

ندخل بقى على الامثلة واالشارتات عشان هيا اللى بتوضح الدنيا

فى الشارت السابقة كان عندنا اتجاه صاعد جت شمعة ابتلاعية هابطة فى الاخر ابتلعت الشمعة
اللى قبلها
وحولت الاتحاه الى اتجاه هابط
يتم الدخول مباشرة بعد تكوين الشمعة الابتلاعية
ويكون الستوب فوق قمة الشمعة الابتلاعية والهدف يكون ضعف الستوب
ويتم اغلاق جزء من الارباح بعد تحقيق نصف الهدف

وادى كمان مثالين :


نيجى بقى لاخر مثال معانا :


زى ما شايففين كان عندنا اتجاه هابط قوى جت شمعة ابتلاعية صاعدة ابتلعت اخر 4 شموع هابطة وحولت الاتجاه الى اتجاه صاعد قوى جدا .

ملاحظات على الشمعة الابتلاعية :
* اذا كان الاتجاه هابط وجاءت شمعة ابتلاعية صاعدة يتم الدخول شراء مباشرة بعد اغلاق الشمعة الابتلاعية بستوب تحت لو الشمعة ب 5 نقطة وهدف ضعف الستوب .
* اذا كان الاتجاه صاعد وجاءت شمعة ابتلاعية ههابطة يتم الدخول بيع مباشرة بعد اغلاق الشمعة الابتلاعية بستوب فوق قمة الشمعة الابتلاعية ب 5 نقط وهدف ضعف الستوب .
* يجب ان تكون الشمعة مدعومة بتواجد دعم او مقاومة او فيبو او منطقة عرض او طلب .

وبكده نبقى خلصنا الجانب الفنى فى الاستراتيجية كله .
ملخص الجانب الفنى :
1- تحديد مناطق الدعوم والمقاومات بالطريقة التم تم شرحها وتحديد اماكنها على الشارت برسم مستطيل فى مكان المنطقة المحددة
2- تحديد مناطق العرض والطلب ورسم مستطيل عند كل منطقة عرض وطلب
3- انتظار وصول السعر الى منطقة من المناطق المحددة
4- الدخول فى الصفقة عند تفاعل السعر مع المنطقة وعمل نموذج برايس اكشن عند هذه المناطق

__________________________________________________ ______


يبقى ملخص الجانب الاول فى سطرين :
بنحدد منطقة بناءا على اول نقطتين شرحناهم ونستنى تفاعل ببرايس اكشن مع المنطقة واول ما يحصل التفاعل ندخل الصفقة بهدف المنقطقة المقابلة والستوب بيكون تحت المنطقة اللى دخلين منها فى حالة الشراء والعطس فى حالة البيع
__________________________________________________ ___________________________________


2 - الجانب الثانى
جانب ادارة راس المال :

وده يعتبر جانب مهم جدا فى الاستراتيجية ولا يقل اهمية عن الجانب الفنى
الموضوع بسيط وسهل جدا

1- دلوقتى احنا عن طريق الجانب الفنى استطعنا تحديد المناطق التى ستحدث من عندها حركة قوية للسعر ,,
فبالتالى بقى عندنا المنطقة صغيرة والهدف دائما هيكون المنطقة المقابلة ليه يعنى الهدف دائما هيكون اضعاف الستوب لوس .

2 -نقطة وقف الخسارة : نقطة وقف الخسارة دائما تكون ثابتة ومحددة تحت المنطقة المحددة فى حالة الشراء
وفوق المنطقة المحددة فى حالة البيع .

3-نسبة الهدف للخسارة : بالاستراتيجية دى دايما هتلاقى هدفك اضعاف الستوب وبالتالى هتلاقى صفقة واحدة كسبانى بتعوضلك صفقات كتير اوى خسرانة وساعات النسبة بتوصل ل 1 : 5 و 1 : 7

4- لا يجب الدخول فى اى صفقة باكثر من 2 فى المية من راس المال بحيث ان الستوب يكون 2 فى المية من راس المال وبما ان نسبة الهدف للخسارة فى الاستراتيجية بتاعتنا كبير فلما هتخسر هتخسر 2 فى المية ولما هتكسب هتكسب على الاقل 6 فى المية من راس مالك

5- الالترام التام بهذه النقط سيؤدى بكم الى ارباح جيدة ومستمرة ان شاء الله .

6-يجب الالتزام بنقطة وقف الخسارة دائما وعدم زيادتها او تقليلها مهما حدث .

7 - يجب تقسيم اعقود واغلاق جزء من العقود بعد التحرك فى اتجاه الهدف واغلاق العقود كلما اقتربت من الهدف جزء بجز لتجنب الارتدداد


8 - عند الوصول الى ربح جيد يجب نقل الستوب الى منطقة الدخول وبعدها الى ما بعد نقطة الدخول لضمان الربح حتى فى حالة الارتداد .
9- ادارة راس المال هيا اهم شئ فى الفوركس .



الحمد لله انا كده قدرت انتهى من الموضوع كاملا وهنزل المشاركة دى فى موضوع منفصل ان شاء الله عشان لو فى حاجة نسيتها اقدر اضيفها وعشان لو حد عنده اى استفسار عن الطريقة اجاوب عليه ان شاء الله ونعمل ورشة للاستراتيجية

وشكرا للمنتدى على المسابقات اللى بتشجعنا نكتب اللى عندنا عشان نستفيد كلنا من بعض .

واتمنى انى اكون قدرت اقدملكوا موضوع منظم ومرتب وفيه افكار تقدروا تستفيدوا بيها ان شاء الله وتعدولوا عليها وتقولولى عشان نطورها مع بعض


ودعواتكم ليا بالتوفيق .