بعد اول 3 ماتشات للفرق العربية أتوقع ان الجميع سيغادر من الدور الأول مع احتمالية لمصر لكن مشروطة
ولو هنحلل فرقة فرقة والفرص بعد اول مباراة لكل فرقة
مع العلم أن تونس الوحيدة اللى لسه ملعبتش بس فرصها ضعيفة جداً نظراً لوقوعها في مجموعة فيها بلجيكا وانجلترا
المغرب : عملت ماتش رائع انهاردة مع ايران لكن بالنيران الصديقة جبنا جون في نفسنا في أخر دقيقة وكانت مباراة في المتناول لان ايران تعتبر أضعف فريق في المجموعة
خصوصاً بعد مباراة البرتغال واسبانيا اللى كانت مباراة خيالية اعتقد ان فرصة المغرب بقت ضعيفة جداً جداً
السعودية : بعد مباراة الافتتاح مع روسيا والهزيمة الثقيلة اعتقد ان مفيش معنويات خصوصاً ان تاني ماتش هيكون مع الاورجواي وهتكون أول الفرق المودعة للبطولة
مصر : بعد أداء اليوم الرجولي أمام الاوجواي مع العلم ان اداءنا الهجومي كان ضعيف لكن ادينا مبارة منظمة جداً دفاعياً ولولا الغلطة اللى كانت في اخر الماتش كنا خطفنا نقطة مهمة
مباراة روسيا يوم الثلاثاء القادم هي الفاصلة وان شاء الله يكون صلاح جاهز وفي لياقتة 100% لو قدرنا نخطف الماتش ده يبقى ان شاء الله هنكون في الدور التاني
وان شاء الله بالتوفيق لجميع فرقنا العربية وربنا يكرمنا وحد يعمل مفاجأة ويعدي بقا.