السلام عليكم ورجمة الله وبركاته
اهلا بكم من جديد في هذا الموضوع الاقتصادي الشيق
قبل ما ندوس وندخل في الاعماق حبينا نذكر باللي فات نتناقش في الجزء الاول ببساطه شوية
احنا جميعا عرفنا ياعني ايه اصلا بنك مركزي وعرفنا ان بنك مركزي هو بيكون بنك متخصص في ادارة شئون العملة سواء في عملية الصرافة
او في عملية الاصدار اي الطباعة .. وطبعا اكدنا ان كل هذه الامور بتكون تحت اشراف من الدولة علي البنك
( ياعني الدول تقول للبنك اشتغل ودير وهي تشرف عليه )
وقلنا من اين اتي البنك المركزي او ايه اللي خلا البنوك تتوجد
وعرفنا ان تواجد البنوك ناتج عن التطورات الي بتحصل في الدولة من حيث التجارة والصناعة والتصدير والذهب وغيرها من الامور التي ادت ودفعت
الي وجود ونشأة البنوك عموما
ببساطة اكتر انت لو بتصنع شئ وعايز تصدره للخارج الناس اللي هاتشتري منك هاتبعتلك فلوس ازاي من غير بنك
نفس الامر لو بتستورد هاترسل اموالك ازاي بدون بنك . قيس علي كدا بقي لما دولة تصدر وتستورد كيف تتم العمليات دون بنوك
لو معاك فلوس كتتير وعايز تحفظها من السرقة هاتودعها فين غير البنك ولا ممكن تخبيها في البيت عندك
طيب كل دولة ولها عملة وكل عملة لها قيمة من سيحدد سعر تبادل العملات سوي قوة الاقتصاد والبنوك
كل هذه الامور كانت كفيلة بحتمية تواجد البنوك
تعرفنا ايضا علي ان البنوك عند نشأتها لم تكن في كل الدولة واحدة
بمعني ابسط وادق ان لما البنوك لما اتعملت ما اتعملتش في كل الدول مرة واحدة
لا اتعملت في دول اه ودول تانية ما كنتش تعرف عنها اصلا اي حاجة
ودا اكيد كان سببه ان في دول متقدمة عن دول اخري بكثيير
وايضا دول اتوجدت قبل دول
ياعني برده لما اتعمل بنك في السويد ماكنش وقتها اتعمل بنك مثلا في مصر وهكذا
نفس الامر داخل الدولة عندنا مثلا في مصر من حوالي 50 سنة كان كل الموجود 4 او 5 او 6 بنوك
لاكن دلوقتي من كتر البنوك ماتعرفهاش وتتلخبط فيها
تعرفنا ايضا علي البنك المركزي السويدي وكيف نشأ مصرف بسيط خاص سنة 1656
وتطور سريعا واصبح هو البنك المركزي للدولة بعد 12 سنة بس وبقي مسؤل عن كل الامور المالية بما فيها طباعة النقود
اتمني ان تكون الدردشة عجبتكم ولو في اي حاجة مش واضحة ان موجود
تحياتي وانتظرو المزيد