السلام عليكم
دا اول موضوع ليا بالمنتدي ودي اول مره اشارك خلاصه تجربتي بالفوركس لمده 8 سنين تقريبا برؤيه مختلفه
سؤالي موجه لكل من يقرأ :
هل فكرت جديا وبتمعن ايه هيا حلقتك المفقوده الخاصه بيك عشان تنجح بالفوركس ؟ (انا تعمدت اختيار وصف النجاح وليس الربح لان الربح مش دايم بالفوركس ومش مقياس للنجاح ) .
كلنا بلا استثناء دخلنا المجال دا بعد انبهارنا بيه بحثا وراء الربح المالي الكبير ولو سريع برضه هيكون افضل
وكالعاده بندخل دوامه البحث عن افضل استراتيجيه وطرق تحليل مختلفه وافضل مؤشر ونشترك برحلات المليون ونسأل ياتري لو حققت مليون دولار الشركه هتسحبني ولا لا وبنكون لسه محققناش الف دولار حتي !! ونفضل نتخبط من موقع لكتاب وباك تيست لاستراتيجيه او مؤشر اتقال عليه انه واو وناس حققت منه ارباح خرافيه وننبهر بأصحاب التوصيات ونتايجهم ويوم تبقي متاجر سوينجي ويوم تجرب تبقي سكالبر لعل وعسي الحظ يكون حليفك وتكسب.
وبوقت تقول اكيد عشان مبحطش استوب لوز بخسر او مفيش اداره لراس المال او الاخبار او الاستراتيجيه دي مش نافعه عالزوج دا وهكذا…. وبعد المكسب مره ولا اتنين تتوالي الخساير الي بتاكل ربح المره او الاثنين ونرجع تاني لدوامه البحث عن الحلقه المفقوده من اول وجديد لعل وعسي نلاقي سر الربح بالفوركس مع نفسيه محبطه وكل مره بنرجع بنفسيه مرهقه ومنهكه اكثر واكثر من السوق.
طيب اعذروني لو قلبت عليكم المواجع والذكريات المؤلمه بالسوق والي اكيد مرينا بيها كلها او بعضها وجربنا فترات التخبط دي وغالبيه الناس نفسهم بيكون قصير ميقدروش يصمدوا وبيسيبوا الماركت بلا رجعه .
لو انت حاليا مازلت بمرحله التخبط والدوامه دي وعندك رغبه حقيقيه وعزيمه للنجاح بالفوركس وليس الربح فقط فالكلام الي جاي دا موجه ليك
للاسف بحثك بالمكان الغلط انت مش محتاج تشتت نفسك كل شويه بطريقه تحليل جديده او تملي الشارت مؤشرات وتدور علي طرق واستراتيجيات مكلكعه وغريبه عشان تنجح بالفوركس ولا تتابع توصيات لحد يكفيك انك تختار طريقه ارتحت ليها وتشتغل عليها بدون تشتيت نفسك بالي غيرك بيعمله ركز دايما علي نفسك فقط.
من تجربتي وجدت ان سر النجاح والاستمراريه بالفوركس اساسه هو انت وصورتك الذهنيه عن نفسك ومدي استحقاقك -
طب ازاي الكلام دا ؟! وازاي تقوي صورتك الذهنيه عن نفسك ودرجه استحقاقك تعلي؟
ايمانك ويقينك بانك قادر على تحقيق ما تريد هو السر الاول للنجاح بأي شيء بالدنيا (حسن الظن بالله وبنفسك).....بعدها ياتي السعي والاخذ بالاسباب كخطوة ثانيه مكملة(من خلال تعلم وتجربه طريقه تحليل بسيطه)...ثم بعدها ياتي دور مشاعرك (هل انت متعلق بالنتيجة ام انك مركز على السعي)
ودي نقطه مهمه جداااا التركيز علي السعي والاستمتاع بالمتاجره ومتابعه السوق وليس علي الربح وكثره التفكير هكسب اد ايه!
كل ماكان المجهود الي بتبذله بالتعلم وتطبيق طرق التحليل البسيطه بتعمله باستمتاع وبشغف كل ماهتبقي نتايجك افضل وكل ماكنت محافظ علي مشاعر ايجابيه هاديه وعلي اتزانك النفسي كل ماهتتقدم بالمجال بشكل مبهر.
اكبر عدوين لنجاحك بالفوركس هما الخوف والطمع اذا زادوا عن معدلهم الطبيعي الي مفروض يخدمنا مش يضرنا-
لو زادوا بيخلقوا فائض احتمال ودا "عبارة عن طاقة زائدة تنشئ عندما نعطي الأشياء تقدير أو قيمة أكبر من حجمها الطبيعي ، سواء كان هذا التقدير سلبي أو إيجابي “
طب ازاي نتخلص من فائض الاحتمال دا سواء مع الخوف من الخساره او الطمع بالربح الكبير ؟
خصص ليك وقت تمارس فيه أنشطتك وهواياتك "الذي لا يعرف كيف يرتاح ويسترخي بعيداً عن عمله شخصٌ لا يتقن العمل”
الاسترخاء مش رفاهيه ابدا وكل ماكنت بتقلل مجهودك ووقتك كل مانتايجك هتكون افضل وتركيزك اعلي
بحاله الخساره والمارجن كول (ودا شيء عادي جدااا وبيحصل لكل المتداولين مهما كانوا محترفين )هتتصرف ازاي ؟
النصيحه المعتاده دايما اقفل المنصه وغير جو ، طبيعي انك هتتضايق او تتنرفز بالحاله دي مواجهة مشاعرك (المنخفضة), تكون بعدم مقاومتها اودخول حرب معها وانك تحاول تنكرها وتكابر . ولكن اتقبلها واديها وقتها واعرف انها زائرلفتره بسيطه وهتروح لحالها خد وقتك بانك تتضايق او تغضب متكبتش دا ولا تحاول تنتقم من السوق لانك بالحاله دي بتنتقم من نفسك وبتقاوم والمقاومه دايما نتايجها ومردودها بالسالب عليك .
فيه نقطه مهمه جداااااا تفكيرك كتير بخسارات ماضيه وكلامك عنها هيجلب ليك مزيد من الخساره والعكس صحيح بالربح
بإستطاعتك أن توقف الأفكار القديمة دي وان تتحكم بنفسك فكريا وتتوقف عن التفكير بطريقة سلبية ، من غير محاربتها ومقاومتها ، أقبلها واختار ان متفكرش بيها
الربح بالفوركس هو السهل الممتنع كل ماكان تركيزك عالربح فقط اعرف انك بالطريق الخطأ ركز علي طريقه شغلك وازاي تطورها وازاي تتفوق علي نفسك والربح هيجي هيجي
النصايح دي (وان كنت مذكرتش لسه حلقتي المفقوده) عن تجربه سنين مريت باول سنتين فيهم بجميع اشكال التخبط بالسوق وبغض النظر عن مامريت بيه من ايام مرهقه وصعبه وايام مفرحه جدااا فأنا بحمد ربنا علي دخولي المجال دا والفوركس مجال يستحق بذل المجهود الذكي فيه والي بيعتمد بالاساس علي مدي يقينك وايمانك بنفسك