مواضيعك كلها مميزه تبارك الله زادك تألق.
تخيل معايا الفيلم الهندى ده,
انت رجل ذو نفوذ ضخم وعاوز تاكل فلوس الناس.
تجيب مبرمج شاطر كده, يعملك نظام مشفر معقد ملغبط, الجن الازرق نفسه ميعرفش ايه النظام ده..
وتبقى في ايدك, شوية كودات بتبعتها للناس على كمبيوتراتهم زي الايميل كده, تقول يا جماعه اللي هبعتله ايميل ده سند بقيمة فلوس يبعتهالى, وممكن يبعتلى الايميل تانى اديله فلوسه, او يعمله فورورد لصاحبه مقابل قيمة الايميل حسب اسعار البورصه.
اللي عاوز منى ايميل يبعتلى 1 دولار, وانت وشطارتك بقا, الايميلات بتاعتى بيحصلها تداول ومقايضه كل يوم, ممكن في يوم تعمل فورورد لصاحبك والايميل بتاعى يساوى 2 دولار مش دولار واحد... وهكذا
فالناس عجبتها الفكره, وكل يوم شايفها ان الايميلات اللى انت بتبعتها قيمتها بتزيد, بيشترى منك ايميل بدولار وبعديها بيومين ممكن يعمل فورورد لواحد تانى وياخد منه 10 دولار..
واستمرت الفقاعه.
فكرة البيتكوين قديمه, ان توجد نظام تداول وعمليه رقميه, ظهرت اكتر من مره, لكن كان ليها مرجعيه, زي الاي جولد وهكذا...
لكن البيتكوين اصبجت عمله العرض والطلب بيعلوا سعرها كل يوم..
حضرتك, المشكله, ان انت المتحكم في الايميلات, وانت اللي بتسعرها, ليه لانك بتبيع وتشترى لنفسك وممكن ترفع السعر لمليون دولار لو عاوز !!
اه يا عم انا بعت ايميل لنفسي مقابل ان دفعت مليون جنيه لنفسى !!
فجيه واحد حلو, قال هتطلع ل2 مليون, وقالى ابعتلى ايميل, قولتله ماشي, شيل.
جيه واحد فقير قالى انا معايا ايميل وعاوز 1 مليون, اقوله مكنش ينعز, السعر رجع لربع جنيه, او استنى بقا لما نشوف حد يدفعلك ويدفعلى وتتوفر سيوله..
من الاخر, البيتكوين نظام "المليان يكب على الفاضى وان جاى معاكم كده- تنطع يعنى "
فكرة الانقسام والمحدوديه انا مقدرش اتكلم فيها لانى لا افقه فيها, ولكن هل هذا حقيقي؟
يعنى اللي عمل البيتكوين, ميقدرش يدخل كام عمله كده يسترزق منها كل يوم من غير ما يعمل انقسام؟
السيناريو طبعاً مش بالهبل ده, ولكنه قريب منه..
ايه قيمة البيتكوين الفعليه غير اتفاق مجموعه من الناس على قيمة تداول؟
لو طلعت لمليون دولار, تظل خطره وغير مقنعه بالمره كاستثمار ولكن للمشاركه في اللعبه عن طريق المضاربه فلا بأس