أشكرك .
==========
" أو قد يمر الخبير "
أو دارس ... ( لكن أنت رجل كريم )
ان شاء الله نحاول نستفيد من جاوس
لأ .. قولنا جاوس لمتغيرات طبيعية ( طول – وزن ....)
والمقابل له فى الفوركس قد يكون الماركت بروفايل
ولكن هل الفوركس كذلك، هل هو عشوائي لدرجة انه يتبع قوانين الاحتمالات المستقلة! لهذه الدرجة ... هل لا يوجد أي قوانين تحكم الحركة؟
عشوائي بشكل شرس؟!
بصراحة نقطة ان الفوركس عشاوئي بشراسة هذه تحتاج لتوضيح اكثر
طيب ... سعر اليورو الأن 1.2345 أمامه أحتمالان ( صعود ل 1.2346 أو هبوط ل 1.2344 )
ويكون أحتمال حدوث كل منهما متساوى بالنسبة لك ... تمام ؟ ... = 50% ... عشوائية ... تقدر تقول غير كدا ؟.
ولو أخذنا أعتبار للزمن ( يسميه أينشتين البعد الرابع ) كأن تقول مثلا وسنغلق الصفقة بعد 1 ثانية تصبح 3 أحتمالات ( صعود – هبوط – ثبات ) وكل أحتمال =33.333333 % .... مرة أخرى عشوائية لا نعرف أى شئ ولا نتوقع أى شئ .
طيب ... نفترض هذا السعر يقع على ترند هل سيكسر الترند أم سيرتد ؟؟؟ 50 % 50% ... عشوائية مرة اخرى ... طيب الستوكاستيك متشبع ... 50 ... طيب أر أس أى ...50 ...طيب أأأ... بردو 50%.
كله عشوائية ... طيب والحل ... الحل تجده مع هيتكولا ( ما تقول لى اسمك وتريحنى ).... أزاى ... ( يعنى عم هيتكولا دة معاه الحل ومعاه مؤشرات الفوضى ومعاه كل حاجة ومدوخنا !!!) .
الحل هو الباك تست ... أرسم ترندات وراقب كم مرة تم الكسر وكم مرة تم الأرتداد وحدد الأحتمالات - على فكرة تم قياسها من قبل ونتج أن أحتمالات الأرتداد أكبر من احتمالات الكسر – طبعا أول سؤال سيرد للذهن كم هى نسبة الأحتمالات بينهما ... ولو أنه خارج عن الموضوع لكن أقول لك ..لأنها سبب مشاكل كتير لأن الناس بترسم ترندات وترجع تلعن اللى علمها كلاسيكى على اللى قال لها ان فيه حاجة أسمها كلاسيكى على اللى قال أن أحتمالات الأرتداد أكبر من الكسر ... الفكرة فى الخبرة فى رسم الترند يعنى تعال نجيب شارت واحد ونرسم أنا وانت ومستر سامى ترندات ( أ.سامى – قلب أف اكس ارابيا ) كل واحد فينا هيرسم مختلف عن التانى شوف شارتات المستر وشوف ترنداته نسبة الأرتداد عنده هتلاقيها أكبر بكتير ... ودى أحد مشاكل الكلاسيكى ... يحتاج خبرة ... وبالتالى عند واحد هتكون النسبة 60% أرتداد والتانى هتكون 30% والثالث ولا كأن فيه ترند اصلا وواحد هيقول لك معرفش يعنى أية ترند أساسا ... لكن بالباك تست أقول لك الأرتداد من الترند أسهل للعملة تبعا لقوانين " نيوتن" و"أوم " و "ماكسويل" و كل قوانين الطبيعة ... خد القانون دة كنت كاتبه فى توقيعى من زمان فى منتدى تانى وأتسرق فلغيته من التوقيع ( يظل أتجاه أزوج العملات على حاله من حيث الصعود أو الهبوط أو التذبذب ما لم تؤثر علية قوة خارجية تغير من أتجاهه ووقتها يكون لكل فعل رد فعل مكافئ له فى المقدار ومضاد فى الأتجاه ) .
أذا بالأستراتيجية ( الأستراتيجية الصح – ترند مستر سامى ) بدأت العشوائية فى الزوال وصلنا مثلا 60% هدف و 40% خسارة . بدأت الفوضى فى الزوال .
طيب ... واحد تانى عمل أستراتيجية قال لك هحط موفنج 9 وموفنج 30 و تقاطع السريع مع البطئ يدل على الأتجاه ( لا حظ هنا فى المؤشرات لا تعتمد على الخبرة يعنى لو قلت الأستراتيجية لواحد مبيدئ جدا هيعرف يشتغل بها ... لكن الخبرة تظهر فى اختيار ال 9 وال 30 مثلا .. لية مش 4 و170 مثلا ؟؟؟ لكن بمجرد ما تظبط استراتيجية الكل يعرف يستعملها )
عملنا باك تست وطلعت النتيجة 60% الأتجاه صحيح و 40% خطأ ..
واحد تانى أشتغل بمؤشر المومنتم 14 فقط .... فوق ال 100صعود وتحتها هبوط ( ليه 14 ... ليه 100 ؟؟!!! ) ووصلت معه 60% أشارات صحيحة .
فيه واحد بقى حقيقى أخذ كل هذة الأستراتيجيات معا وسماها أستراتيجية الترند المكسور( موجودة فى كل المنتديات حتى هنا ولكنها اندثرت من قلة المتابعين – ليس لفشلها لأنها حققت المليون دولار فى موضوعها مع فريق السلاحف فى منتدى المتداول العربى والفريق راح فتح منتدى تانى لوحده ) المهم أحتمالات المكسب وصلت كم ؟؟؟؟ أكيد طبعا أكبر من 60% ... يعنى كلما كانت الأستراتيجية قوية تلغى العشوائية . والدليل أنى وافقتك أن أستراتيجيتك سيكون أحتمالها قريب جدا من ال 100%.
ولكن ما هي هذه المؤشرات الخاصة بالفوضى ، جاري البحث عنها، ولكن ياريت توضح لنا لو عندك وقت .
عندى وقت أقولها لك لكن للأسف معنديش وقت أشرحها ولسة منزل ويندوز مش هأعرف ارفع لك صورة لكن ممكن تدور على شرحها فى جوجل أسمها " مؤشرات بيل وليم " هتلاقيها مشروحة فى فوركس فاكتورى بأسم نظام بيل ويليم ( للفوضى ) ....
Profitunity (Chaos) Trading System by Bill Williams
وفى الميتاتريدر تقدر تجيب مؤشراتها من القوائم كدا :
Insert -> Indicators -> Bill Williams –>
وأقوى المتاجرين الذين رأيته يجيدون استعمالها هم اليابانيون والصينيون ... لو ترجع لهم تبقى محترف .
ودمت بود ,,,