طبعا موضوع قوي جدا.. ولو انه احنا العرب مو كتير بنقدر النفسي.. في الغالب تفكيرنا منطقي جدا... يعني اذا كنت بتحكي مع حدا وحكيتله حسيـــت... رح يوقف عنده حالة السمع... لحتى تكمل الجملة...
1- هل استشعرت بتحركات السوق ( صعودا , هبوط ) ؟
ممم الى حد ما
2- هل استشعرت بأن تحليلك النفسي غالباً يصيب ؟
صراحة حسب حالتي النفسية.. احيانا بتكون مطبلة معي.. كل شي بصير عكس ما بدي.. واحيانا.. بالعطل مثلا.. وبالاعياد... بحس حالي انا اللي بحرك السوق 
..
3- هل تعتقد ان التحليل النفسي له علاقه بالخبره التي تملكها ؟
طبعا الى حد كبير.. التحليل النفسي بعتمد على خبرة التحليل الاساسي.. اعتقد انه الاقوى بالتاثير.. وطبعا الخبرة العامة في الحياة
4- هل التحليل النفسي يمكننا الاعتماد عليه للمتاجرة ؟
ممم.. ممكن يصعب فكرة تحديد هدف معين.. وستوب معين.. وهذه خطورته.. لكن في الغالب.. لما ادخل عكس ميولي النفسي... بتكون الصفقات خاسرة.. الشي اللي بعصب بزيادة
وطبعا اعتقد انه الحالة النفسية كمان بتأثر على الربح والخسارة... يعني في كتير ناس بتحكي.. في خلل بالسعر في شركة كذا .. مجرد ما انا اشتري.. بنزل السعر.. او انه احيانا بنلاحظ انا بنضل نراقب بالسعر ساعات.. وهو واقف محله.. بنقوم خمس دقايق.. بنرجع بنلاقيه ضارب الهدف... مشان هيك في الغرب غالبا .. لما بدهم يعلمو الناس الفوركس.. بجيبولهم شخصيات متل انتوني روبنز .. لحتى يعلموهم التفكير .. والشعور الايجابي...
طبعا اغلب كلامي غير مقبول من وجهة نظر 90% من العرب .png)