[محمود شاكر]

السلام عليكم.....

2- ادارة المخاطر

من الاخير وبدون لف ودوران السؤال المطروح هو: كم المدة الزمنية اللازمة لخسارة كل رأس مالي؟؟؟!!!!
اي شفتهه زين مو خطأ مطبعي هذا السؤال الوحيد الصحيح والحقيقي وكلما اجبنا عنه بسرعة اكبر راح نختصر على نفسنا الزمن للربح (لتنسى القانون الأول )....
الجواب عن هذا السؤال بمنتهى البساطة لأنه عمليات حسابية بدون عواطف.... يعني بين قوسين تريد تخسر فلوسك بسنه سنتين اكثر اقل...براحتك الموضوع يمك..
على ضوء جوابنا عن هذا السؤال راح نتحكم بالشيء الوحيد المسموح النه نتحكم بي الا وهو الخسارة...
مبدئيا راح تحدد المدة الزمنية للخسارة الكلية (خسارة كل رأس المال) ومن عدهه راح تنزل للخسارة السنوية والنصف سنوية والشهرية والاسبوعية واليومية... وبالتالي راح يحدد عدد الصفقات وحجم اللوت وكمية الصفقات وغيرها...
نرجع نكتب بالدفتر بخانة الرافعة المالية وادارة رأس المال المعلومات الخاصة بهذا الموضوع....
الغرض من هاي الكتابات هو تبادل الخبرات حتى نستفاد كلنا منهه فلذلك طريقتي بالتعلم بصورة عامة هو اسمع 3 محاضرات من اشخاص مختلفين بموضوع معين (وليكن ادارة رأس المال ) وأكتب كل حرف يذكروه (بالبداية ميهمني درجتهم العلميه او خبرتهم بالسوق لأن بعدين راح أبدي اميز الخبير من الهاوي) ...المهم راح أكتب كل كلمة يذكرهه كل شخص بيهم وأذكر اسمه بنهاية كلامه لأن قد أحتاج أرجعله بالمستقبل...
بنهاية الاسبوع أو اليوم أو الشهر حسب الخطه مالتي كم مدتهه راح ابدي احاول اجمع كلامهم وطبعا راح أشوف كلام متشابه أو معلومة منفرد بيهه شخص عن غيره وأحيانا راح اشوف كلام متناقض المهم راح اكتب تحليلاتي وخططي بالموضوع والاسبوع القادم راح أخذ غير ناس وأرجع اقيم فهمي للموضوع الى أن اوصل الى الخطة المناسبة اليه المهم ان تنقل كلامهم بالنص بدون اضافة او تحكم منك يعني بعيدا عن قناعاتك تسوي نسخ ولصق بعدين من تحلل كلامهم راح تدخل قناعاتك بالموضوع....هذي طريقتي بالتعلم في كل شيء ممكن البعض يستفاد منهه.....

[محمود شاكر]

السلام عليكم.....

2- ادارة المخاطر

من الاخير وبدون لف ودوران السؤال المطروح هو: كم المدة الزمنية اللازمة لخسارة كل رأس مالي؟؟؟!!!!
اي شفتهه زين مو خطأ مطبعي هذا السؤال الوحيد الصحيح والحقيقي وكلما اجبنا عنه بسرعة اكبر راح نختصر على نفسنا الزمن للربح (لتنسى القانون الأول )....
الجواب عن هذا السؤال بمنتهى البساطة لأنه عمليات حسابية بدون عواطف.... يعني بين قوسين تريد تخسر فلوسك بسنه سنتين اكثر اقل...براحتك الموضوع يمك..
على ضوء جوابنا عن هذا السؤال راح نتحكم بالشيء الوحيد المسموح النه نتحكم بي الا وهو الخسارة...
مبدئيا راح تحدد المدة الزمنية للخسارة الكلية (خسارة كل رأس المال) ومن عدهه راح تنزل للخسارة السنوية والنصف سنوية والشهرية والاسبوعية واليومية... وبالتالي راح يحدد عدد الصفقات وحجم اللوت وكمية الصفقات وغيرها...
نرجع نكتب بالدفتر بخانة الرافعة المالية وادارة رأس المال المعلومات الخاصة بهذا الموضوع....
الغرض من هاي الكتابات هو تبادل الخبرات حتى نستفاد كلنا منهه فلذلك طريقتي بالتعلم بصورة عامة هو اسمع 3 محاضرات من اشخاص مختلفين بموضوع معين (وليكن ادارة رأس المال ) وأكتب كل حرف يذكروه (بالبداية ميهمني درجتهم العلميه او خبرتهم بالسوق لأن بعدين راح أبدي اميز الخبير من الهاوي) ...المهم راح أكتب كل كلمة يذكرهه كل شخص بيهم وأذكر اسمه بنهاية كلامه لأن قد أحتاج أرجعله بالمستقبل...
بنهاية الاسبوع أو اليوم أو الشهر حسب الخطه مالتي كم مدتهه راح ابدي احاول اجمع كلامهم وطبعا راح أشوف كلام متشابه أو معلومة منفرد بيهه شخص عن غيره وأحيانا راح اشوف كلام متناقض المهم راح اكتب تحليلاتي وخططي بالموضوع والاسبوع القادم راح أخذ غير ناس وأرجع اقيم فهمي للموضوع الى أن اوصل الى الخطة المناسبة اليه المهم ان تنقل كلامهم بالنص بدون اضافة او تحكم منك يعني بعيدا عن قناعاتك تسوي نسخ ولصق بعدين من تحلل كلامهم راح تدخل قناعاتك بالموضوع....هذي طريقتي بالتعلم في كل شيء ممكن البعض يستفاد منهه.....