السلام عليكم ..
بعد التحيلة ..
حبيت انقل شهادة حق لموقف عشته من اوله لاخره مع عميلة لدا شركة اكسنس
دي كانت المشكلة
مشكلة مع شركة اكسنس
الحكاية باختصار للي مش عايز قرا الموضوع التاني
صديقة العائلة مدام عايدة عندها حساب في اكسنس
عملت ربح 1000 دولار من اصل الايداع 100 دولار خلال شهر
وفي يوم دخلت علي الحساب تفاجئت بصفقات مفتوحة عشوائية بلوتات عالية واتبقي في الحساب 74 دولار
وفتحت الموضوع واتهمت الشركة بالتلاعب ( معذورة طبعا )
ولجأتلي في المشكلة دي و بعتتلي الانفيستور وشوفت هيستوري الصفقات وفعلا كانت حاجة غريبة
وساعتها نصحتها انها تدخل تكتب موضوع في القسم هنا عشان ممثلي اكسنس بيساعدو العملاء ويحلو مشاكلهم
بعد ايام بسيطة من الموضوع دا بدات مدام عايدة تستنجد بيا لعدم خبرتها الكافية في التعامل مع الايميلات والكمبيوتر عموما
وبدات تقولي الايميلات بتاعتها بتتسرق .. الفيس بوك بيتسرق
وبعد كل مرة نسترجع الايميلات يحصل نفس الموقف تاني ..
بعد ما مدام عايدة بدات تاني في حساب اكسنس ب 74 دولار ما شاء الله ربنا قدرها وخلاها تحقق ربح الف دولار تاني في اسبوع
و سحبت الارباح من الشركة علي بنك ليبرتي
و بدات تدور علي وسيط ياخد الالف دولار
وكانت المفاجاة انها تاني يوم كلمتني وقالتلي الليبرتي اتسرق والايميلات اتسرقت تاني
كل دا وكنت انا شخصيا مش متخيل ان يكون في حد مخترق جهازها بالشكل الرهيب دا !!!!
لكن انهاردة تأكدت تماما .. بعد ما كلمتني و قالتلي تاني الفيس بوك اتسرق والايميلات مش عارفة تدخل عليها نهائي
في اللحظة دي كنت متواجد علي الفيس بوك و فعلا لقيت شير من البروفايل عندها بلينكات غريبة
دخلت اتكلمت مع الاكونت و لمجرد مابسال مين معايا حد جاوب بكل برود وقالي انا اكبر هكر في مصر والدور عليك
بغض النظر عن رحلة الشتايم اللي بدات بيني وبينه
بس في اللحظة دي تاكدت مليون فالمية ان سرقة الايميلات وسرقة اكونت ليبرتي وسرقة الفيس بوك واللعب في حساب مدام عايدة .. تاكدت ان كل دا مصدره شخص واحد
ولذلك جيت اقول شهادتي علي الموقف من اوله لاخره .. واكيد مدام عايدة هتدخل تاكد كلامي بنفسها بس لما تفوق من الصدمات اللي بتاخدها بقالها فترة
نصيحة لكل حد بيتعامل في المجال دا .. لازم يكون عندك برامج حماية كافية
لازم تعمل صيانة لجهازك وتسطب وندوز جديد كل اسبوعين علي الاقل
بيانات حساباتك سواء في الشركات او في البنوك الاليكترونية لا تحتفظ بيها علي الايميل او علي الجهاز
اكتبها دايما في ورق عندك فالبيت
والافضل انك تكون من مستخدمي الـ Mac لان الحمد لله دي حاجة مابينزلش عليها فيروسات ولا تروجان ولا اي ملفات اختراق الحمد لله
وربنا يحفظنا ويحفظكم من شياطين الانس العاشقين لأزية خلق الله !